:.¤..:~(منتديــ شيشبــاو ــات)~:..¤.:
 
الرئيسيةس .و .جبحـثالأعضاءالمجموعاتالتسجيلدخول

شاطر | 
 

 عاشقون في غابة من الذئاب

اذهب الى الأسفل 
كاتب الموضوعرسالة
العجيمي

avatar

ذكر
عدد الرسائل : 45
العمر : 26
جنسيتك : بحريني
علم البلد :
تاريخ التسجيل : 24/08/2008

مُساهمةموضوع: عاشقون في غابة من الذئاب   الإثنين أغسطس 25, 2008 5:16 pm

سلام عليكم أحبتي ..
أعزائي .. أعضاء هذا المنتدى الكرام .. ها أنا اليوم قادم لكم بقلمي المتواضع

لأشارك بأول كتاباتي في هذا المنتدى..

قادم لأمزج الواقع بالخيال في قصتي المتواضعة (( عاشقون في غابة من الئاب ))..مع تمنياتي أن تنال إعجابكم ..

إليكم ما خطته أحرفي الرقيقة ..


ولنبدأ بالشخصيات..

بيت أبو محمد من أغنى العائلات في البلد ..

محمد وعمره 20 سنة ويدرس بره البحرين ! مريم وحوراء توأم وهم في

الصف الثاني ثنوي ..ريم في الجامعة سنة ثانية .. وعلي الأصغر

فيهم وطبعا المدلل وعمره 5 سنوات ..

أبو محمد رجل أعمال معروف في البلدة وله مكانته في السوق .. طبعا ما

ننسى الشركات الضخمة إلي يملكها وشطارته في الأسهم ..

الكل يتساءل عن الأم وهي أم محمد .. أم محمد ربة منزل محترمه ما تهمها

لفلوس والمظاهر عكس الباقي .. متواضعة بطبعها وشخصيتها حلوة

وبسيطة.. وراح تلاحظون هالشي في أجزاء القصة ..

الخالة دانه وبنتها فاطمة وولد العم بو راشد ((هيثم )) ... ما ننسى

الخدامة ميري ذات الشخصية الغريبة الغامضة ولها دور رئيسي في القصة ... نكتفي بهالشخصيات وراح تتعرفون على الباقي في الأجزاء القادمة ..




ولنبدأ ..








في بيت أبو محمد ..

ام محمد على طاولة الطعام تنتظر لعيال وأبو محمد يرد من الشغل .. علشان يتغذون مع بعض .. أم محمد وفكرها شارد يقاطعها صوت ولدها المدلل ..

علي : ماما جوعان !! متى برد البابا؟ آبي اتغدى

ام محمد : هلا يمه هلا حبيبي .. وعطته بوسة على خده ..وبصوتها الحنون (( انتظر اشوي حبيبي الحين خواتك بقعدون من لرقاد !! والبابا جاي في الطريق ..))

علي وبدلع : ماما أنا جوعان وما اقدر اصبر وخواتي ما بيقعدون الحين ؟! نامو الفجر .. أنتي عارفة في الأجازة ما يقعدون اله العصر ..

أم محمد : من عيني الثنتين الحين اخلي ميري تحط لك الغدى جم علوي عندنا ؟!

علي وهوة بطير من الفرح << وأخيرا سمحوا له ياكل قبلهم طيران على المطبخ وهوة يصارخ : ميري ميري ؟!
الخدامة ميري : نعم علوي شنو في !

علي ويده على خصرة وبدلع اطفال : حطي لي غدى ابي آكل

ميري بعصبية ومستغربة من حركات الطفل الي قدامها : انزين .. انت في يتكلم عدل اوكي .. !!

علي وهوة مطلع السانة : سوي الي قلت لج عليه لا اعلم ماما يا الله بسرعه انا جوعان

ميري :انزين يا الله روح الحين انا في يصخن معكرونة حق انت ..

علي وهوة طالع : يا الله انتظرج ..

ام محمد على طاولة الطعام تضحك على تصرفات ولدها وية الخدامة .. قاطعتها رنة التلفون ..

ام محمد ترد على التلفون والأبتسامة على شفاتها بعد ما طلع على شاشة التلفون (( ابو لعيال )) : هلا

ابو محمد : هلا بنور عيني .. شلونج ام محمد ؟

ام محمد : آنا بخير .. الة قول لي انت وينك ؟؟ تراني انتظرك على السفرة من نص ساعه تقريبا

ابو محمد وبصوت حزين : والله ما ادري شقول لج ؟؟بس اعذريني اليوم ما راح اقدر اجي على الغداء .. عندي اجتماع مهم ولازم اكون موجود ..

ام محمد وابتسامتها تختفي : اوكي عجل الحين اقعد البنات من لرقاد .. علشان ما آكل ابروحي

ابو محمد واهوة منهدش : ليش اهمة بعدهم ما قعدوا ؟؟!

ام محمد : أي .. يقول علوي سهرانين للفجر !!

ابو محمد وبصوت عالي اشوي : ما عندي علم بهالأشياء الغريبة الي تصير في بيتي .. ارد البيت والي تصرف ثاني معاهم ..

ام محمد : يا الله عن اذنك اخليك بروح اقعدهم !

ابو محمد : بحفظ الباري يا الغالية .. مع السلامة

ام محمد سكرت التلفون وهية متضايقة ..حاولت تتجاهل الشعور الي تحس فيه وراحت لغرفة البنات .. << طق طق طق

حوراء بعصبية وملل : اوووف يا ربي في هالبيت محد ينام .. من ؟؟؟!

ام محمد : آنة امج فتحي الباب لي ..

حوراء : ان شاء الله يمة ..

وبملل وانزعاج فتحت حوراء الباب ...

ام محمد وهية تدخل الغرفة : يا الله يا الله يا الحلوين قوموا تغدوا وياي

مريم والمخده تغطي وجهها تحاول تباعد نور الشمس عن عينها : يمة خلينا ننام اشوي !!

ام محمد وهي تحاول تباعد لمخده : يا الله حبيبتي بسج نوم .. الساعه 3

حوراء بملل : الة وينة ابوي ؟ روحي تغدي معاه .. هذا وقته !!

ام محمد وتحاول تتجاهل الي سمعته .. وتنسى تصرفات ابو محمد الغريبة هاليومين : لا حبايبي ابوكم ما راح يجي على الغدى اليوم ..عنده اجتماع مهم

مريم وحوراء مع بعض : اووووووووف يعني لازم نقوم ؟؟

ام محمد وهية تغمز لهم : عقب الغدى في طلعه حلوة للحلوين .. وراح ياخدون الي يبون

مريم وحوراء نطوا من السرير وركض على الحمام يغسلون وجههم ..

ام محمد ضحكت على تصرفات بناتها وذكرت ولدها محمد واشلون كان يسوي مثل الحركات لمة كان في عمرهم .. وبتنهيده خفيفة (( الله يحفظك يا ولدي ويردك لي بالسلامة ))

حوراء ومريم : ها يمة شكلج هونتي !!

ام محمد تحاول تلعب بأعصابهم : أي والله تعبانة اشوي يا ليت تأجلون الطلعه !!

حوراء : شنو نأجل يمة ! وبدة صوتها يرتفع : راح نروح يعني راح نروح !

مريم وبتأييد لكلام اختها : أي راح نروح لأنج وعدتينا ..

ام محمد وهية تضحك : أي راح نروح يا الحلوات بس حبيت العب بأعصابكم اشوي .. يا الله بدلوا ثيابكم وتعالوا تحت .. راح انتظركم


حوراء ومريم : اوكي يمة دقايق وجايين


في المطبخ كان علي يتغدى وميري تحاول تزعجه ببعض حركاتها المقرفة علشان يقوم من الأكل .. وجدي تنتقم من حركته قبل اشوي ؟؟

ميري بخبث وتحاول تتكلم بمثل اسلوب الأطفال : سبحان الله يا علوي .. انت يعرف ان كل شي في دنيا هذي ياكل حتى هذي ذبانة الي يفر على صحن مال انت ..

علي وهوة فاهم لها : مو بس الي تدور على صحني حتى الي صوبي وصار لها سنة تهذر.. وبدأ يضحك بصوت عالي ..

ميري : عيب هذا كلام انت لازم في يحترم الي اكبر منك ..



يقطع عليهم الحديث صوت الباب

علوي وهوة يركض للصالة وفضولة وياه يبي يعرف من الي جاي هالوقت

ريم اول ما شافته بدت تضحك على شكلة ولبسة لموصخ بالأكل: هلا علوي هلا حبيب اختك .. تعال بعطيك حلاوة

علوي وهوة يضحك وركض لها وبكل برائة حط يده على اثيابها ...

ريم بعصبية : وععع وخر يدك عني .. طالع شسويت في ثيابي !! حسبي الله عليك يا عليوان ..وهية تتحلطم رن جوالها ..

ريم وهية مرتبكة عطت اخوها بوسة وبسرعه راحت لغرفتها

ريم في التلفون : هلا طارق

طارق : هلا بيج عيني ..

ريم بصوت عالي اشوي : مو قلت لك لا تدق مرة ثانية ...

اثناء الكلام بينهم كان في شخص ورة الباب باين انة يسمح ولاحظت ريم هالشي من خلال الظل الباين من ورة الباب !!

ياترى شلون راح تتدارك ريم الوضع؟ وشنو سالفة طارق !! ومن الي ورة الباب ؟! حوراء ومريم شنو آخر التطورات عندهم ؟! وام محمد وابو محمد ؟! بدوم الزعل والله لا !! وشنو السر المكتوم داخل الخدامة ميري !!

ترقبوا كل هذا في باقي أجزاء قصة عاشقون في غابة من الذئاب ...
شكرا

تحياتي العجيمي Wink
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
mema moon

avatar

انثى
عدد الرسائل : 27
العمر : 24
جنسيتك : بحرينيه
علم البلد :
تاريخ التسجيل : 25/08/2008

مُساهمةموضوع: رد: عاشقون في غابة من الذئاب   الإثنين أغسطس 25, 2008 6:06 pm

يسلمووووووووووووووووووو خووي ع القصة

حدهاااا فن

ننتظر الأجزاء الباقية

يعطيك العافيه

تحياااااتي
mema moon
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
العجيمي

avatar

ذكر
عدد الرسائل : 45
العمر : 26
جنسيتك : بحريني
علم البلد :
تاريخ التسجيل : 24/08/2008

مُساهمةموضوع: رد: عاشقون في غابة من الذئاب   الإثنين أغسطس 25, 2008 6:08 pm

شكراً اختي ع المروور
ونتظر ردووود كثيره جان اقدر اكمل القصة

تحياتي العجيمي Wink
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
شيش باوي (1)

avatar

ذكر
عدد الرسائل : 52
العمر : 28
الموقع : shisbaao.ibda3.org
جنسيتك : بحريني
علم البلد :
تاريخ التسجيل : 20/08/2008

مُساهمةموضوع: رد: عاشقون في غابة من الذئاب   الثلاثاء أغسطس 26, 2008 10:57 am

مشكور خوي على هاذه القصة الرائعة واصل ابداعك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://shisbaao.ibda3.org
العجيمي

avatar

ذكر
عدد الرسائل : 45
العمر : 26
جنسيتك : بحريني
علم البلد :
تاريخ التسجيل : 24/08/2008

مُساهمةموضوع: رد: عاشقون في غابة من الذئاب   الثلاثاء أغسطس 26, 2008 11:20 am

شكراً شكراً أخي ع المروور

تحياتي العجيمي Wink
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
mema moon

avatar

انثى
عدد الرسائل : 27
العمر : 24
جنسيتك : بحرينيه
علم البلد :
تاريخ التسجيل : 25/08/2008

مُساهمةموضوع: رد: عاشقون في غابة من الذئاب   الجمعة أغسطس 29, 2008 6:09 pm

يلاااا خووي

متى بتكمل القصة ؟؟

ننتظر ترى Wink
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
العجيمي

avatar

ذكر
عدد الرسائل : 45
العمر : 26
جنسيتك : بحريني
علم البلد :
تاريخ التسجيل : 24/08/2008

مُساهمةموضوع: رد: عاشقون في غابة من الذئاب   السبت أغسطس 30, 2008 5:47 am

ان شاء الله بكمل
بس انتظر ردووود اكثر

وان شاء الله عقب يومين بكملها

تحياتي العجيمي Wink
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
عاشقون في غابة من الذئاب
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شيشباو :: :.¤..:~(المنتديــ الادبَِيه ــات)~:..¤.: :: {-- هذهـ قصــتي ..~-
انتقل الى: